Booking.com

Еден од најдобрите начини да го освежите вашиот простор е вертикална градина со бујно зеленило…

Тоа е еден од главните трендови на денешницата, кој ни нуди решение за секој буџет. Без разлика дали веќе имате изградено вертикална градина или сте во план да градите, секако ќе имате преубав амбиент. Денес ви претставуваме 16 идеи за вертикални градини кои ќе ве инспирираат да ги внесете во вашиот дом – ентериер или екстериер.

Иновативни материјали
Неочекувани материјали може да бидат искористени за креирање на уникатни вертикални садници. Празни пластични шишиња се само еден од примерите кои можете да ги видите во галеријата од фотографии. Исто така, ако имате стари бакарни цевки или истите можете да ги набавите по поволни цени, може да бидат идеални за вашиот проект.

hortikultura-mk_vertikalna-gradina_1

Врамено зеленило
Многу популарни вертикални градини се врамени, креирајќи на тој начин бујно зеленило. Ако немате време да направите своја градина, тогаш можете да купите веќе готова. На вас останува само да го одберете вистинското место во домот каде ќе ја поставите.

hortikultura-mk_vertikalna-gradina_2

hortikultura-mk_vertikalna-gradina_3

hortikultura-mk_vertikalna-gradina_4

hortikultura-mk_vertikalna-gradina_5

Џепови за растенија
Постои голем асортиман на мали саксии кои се идеални за креирање на вертикални градини во склад со можностите на вашиот простор. Нивните т.н. „џепови“ за растенија се лесни за употреба и се со интересен модерен дизајн, а направени се од рециклиран материјал. Ако се одлучите за оваа варијанта, ви предлагаме во џеповите да насадите бујни растенија кои истите во целост ќе ги покријат со своето зеленило.

hortikultura-mk_vertikalna-gradina_6

hortikultura-mk_vertikalna-gradina_7

hortikultura-mk_vertikalna-gradina_8

Елегантни модерни решенија
Понекогаш, сè што ви треба за креирање на ваква градина се едноставни материјали, како што се даски од даб или теракотни саксии. Совршено едноставно, а сепак привлечно. За ваков проект може да користите и стаклени тегли и други видови на дрво.

hortikultura-mk_vertikalna-gradina_9

Градина во олук
Олуците се идеални места за креирање на вертикални градини, а често можете да ги купите за малку пари. Бакарните цевки се исто една од можните опции за вашата градина. За било кој материјал да се одлучите, се што ви треба да направите е да ја закачете цевката за ѕидот и да го посадите вашето омилено цвеќе.

hortikultura-mk_vertikalna-gradina_10

hortikultura-mk_vertikalna-gradina_11

Живи панели
Денешните предлози за вертикални градини ќе го завршиме со т.н. „живи панели“. Како прво, панелите се идеални ако сакате да ја декорирате оградата во дворот со зеленило. Модерните огради совршено функционираат со овој концепт. Со малку фантазија и креативност, вертикалните градини со ваков тип на панели ќе го оживеат било кој простор.
Доколку сакате да креирате вертикална градина на поголем ѕид, тогаш најдобро е да повикате професионалци за помош. Нивната експертиза е од непроценлива вредност, кога станува збор за креирање, монтажа и одржување на самата вертикална градина.

hortikultura-mk_vertikalna-gradina_12

hortikultura-mk_vertikalna-gradina_13

hortikultura-mk_vertikalna-gradina_14

hortikultura-mk_vertikalna-gradina_15

hortikultura-mk_vertikalna-gradina_16

Бидете креативни и направете си своја вертикална градина

Loading...