Booking.com

Магнолија (лат. Magnolia) е назив на родот дрвенести растенија од истоимената фамилија Magnoliaceae. Претставници на овој род се дрвја или жбунови. Родот магнолија има околу 210 видови листопадни и зимзелени дрвја и грмушки, распространети во Источна Азија (листопадни видови) и атлантскиот дел на Северна Америка (зимзелени видови). Многу видови се одгледуваат како украсно парковско дрво (Magnolia liliflora, Magnolia grandiflora).
Родот го добил името по францускиот ботаничар Pierre Magnol (1638—1715).

hortikultura.mk_magnolija_2

hortikultura.mk_magnolija_3

Magnolia liliiflora (кинеска магнолија или пурпурна магнолија) претставува листопадна грмушка или помало дрвце, со висина до 4 метри.
Цветовите се поединечни, ѕвонолики како лилјанот, пурпурни од надворешната страна, а во внатрешноста се претежно бели, долги околу 10 см. Цвета во април, мај и јуни, а поединечни цветови понекогаш се јавуваат и во лето и есен. Се размножува со семе, резници и калемење. Бара свежа, длабока и добро дренирана почва. Кратко може да издржи на температура до -18 (-20)ºC. Поради високо орнаменталните својства, оваа магнолија се сместува во редот на најубави украсни видови од овој род.

Посадете магнолија во вашиот двор и препуштете се на вашите сетила кои во целост ќе го впијат „пурпурниот мирис“ на оваа украсна грмушка…

hortikultura.mk_magnolija_4

Purple Magnolia

hortikultura.mk_magnolija_6

Loading...