Научното име на овој род доаѓа од грчките зборови „диос“ што значи Бог и „антос“ што значи цвет (Господов цвет). Народното име на каранфилот му го дале Германците заради сличноста на мирисот на овој цвет со зачинот каранфил. Кинескиот каранфилот (Dianthus chinensis) е едногодишно или двогодишно растение кое достигнува висина од 15-30 см.
Потекнува од Кина. Постојат сорти со полни цветови и ниско стебло и темно црвени цветови. Се применува за ивици високи 25 см. Има и други убави сорти меѓу кои се Dianthus chinensis Heddewigii со крупен цвет и прекрасни бои. Постои и хибрид D.c.Heddewigii x D.c.barbatus = Dianthus barbato-chinensis, кој ако се посее во март, цвета веќе во јуни и достигнува висина до 30 см.
Кинескиот каранфил цвета од јуни па сè до првите мразеви. Цветовите му се црвени, розеви и бели. Се сее во март-април во полутопол стакленик од каде се пресадува со бусен на постојано место во мај и тоа на растојание 20-30 см. Лесно поднесува пресадување. Во однос на почвата нема посебни барања, но најдобро се развива на сончеви места и илесто-глинеста почва.
