Патио е шпански збор што значи двор или двор пред куќа и претставува надворешен простор кој се користи за јадење и рекреација, правејќи граница помеѓу ентериерот и екстериерот и најчесто е поплочен и опремен со некој вид на мебел за надворешна употреба.
Овој дел од дворот најчесто е бетониран или обложен со камени плочи. Може да се користат и цигли, блокови или калдрма. За повеќето луѓе кои живеат во куќи, овој вид на простор е остварување на своите соништа и желби – кога станува збор за дизајнирање на екстериерот.
Доколку сте тип на личност која ужива во подготовка и одржување на забави во вашиот дом, поседувањето на ваков двор може да биде идеален начин кој ќе ви обезбеди дополнителен простор за дружење со гостите, па дури и ако не сте претерано друштвени. Сепак, постои само еден проблем со повеќето вакви дворови – тие се комплетно изложени на надворешни услови. Поради тоа, ако живеете во средина со поладна клима, идејата за ваков двор може да биде помалку бесмислена. Никој не би сакал да седи надвор кога е студено.
Меѓутоа, добрата вест е тоа што на пазарот постојат многу идеи за сите луѓе кои посакуваат да имаат ваков двор, иако времето не е идеално топло. Застаклениот двор претставува идеално решение за овој проблем. Со ваков дизајн, секогаш можете да го искористите најдоброто што ви го нуди просторот пред вашата куќа.
